لاعب المصارعة الهارب: لو قعدت في مصر مش هعرف أجيب شقة أتجوز فيها
خرج محمد مصطفى علي الشامي، لاعب المصارعة الهارب وهو لاعب منتخب مصر في إيطاليا خلال المشاركة مع الفراعنة في دورة ألعاب البحر المتوسط 2026، عن صمته، موضحًا أسباب هروبه، ومقدمًا اعتذارًا إلى والديه وكل من ساندوه في مسيرته، ومشيرًا إلى أنه لو ظل 15 عامًا من عمره في المكان نفسه الذي كان فيه، فلن يستطيع شراء شقة للزواج.
قال الشامي عبر صفحته الشخصية على موقع التواصل الاجتماعي «فيسبوك»: «أنا اللاعب محمد مصطفى علي الشامي، لاعب منتخب مصر للمصارعة الحرة، بعتذر من والدي ومن أسرتي على كل اللي حصل، ومكنتش أتمنى أبدًا إني أوصل للمرحلة دي».
لاعب المصارعة الهارب
وأضاف: «المصارعة كانت وما زالت جزءًا كبيرًا من حياتي، بدأتها من وأنا عندي 7 سنين، وعشت سنين طويلة بحلم إني أرفع علم مصر وأحقق إنجاز يفضل فاكرينه».
وتابع: «الحمد لله، قدرت أرفع علم بلدي في بطولات أفريقيا وبطولات دولية كتير، وكان أكبر حلم عندي إني أحقق ميدالية أوليمبية وأوصل لأعلى مكان ممكن في الرياضة اللي حبيتها وعشت عمري كله عشانها».
وأوضح: «لكن في لحظة معينة، حسيت إن والدي تعب، وإن الحياة بقت صعبة عليه، وأنا أكبر إخواتي، فكان لازم حد يضحي ويتحمل المسؤولية. أنا بعتذر مرة تانية لوالدي ولأسرتي، وبعتذر لكل شخص وقف جنبي وساعدني وساندني في مشواري، ومش هنسي أبدًا وقفة أي حد معايا».
وأشار: «بس غصب عني أنا لقيت نفسي كبرت ومبقتش عارف أطلب من والدي حاجة، والدعم اللي بيجيلي ميخلنيش أعيش حياة كريمة، وأنا لازم أأمن نفسي وأأمن حياتي، وده مش موجود، فكان لازم ده يحصل؛ لأن أنا لو لا قدر الله كان حصل إصابة، مكنتش هلاقي، أو بطلت مصارعة مكنتش هلاقي دعم بعد كل اللي أنا حققته من إنجازات».
وأكمل: «يمكن الطريق اتغير، ويمكن الحلم اتأجل، لكن الحلم نفسه لسه موجود، وإن شاء الله هرجع أكمل مشواري، وأرفع علم بلدي من جديد، وأحاول أحقق الحلم اللي مقدرتش أحققه لحد دلوقتي، ربنا يكتبلي الخير».
وأتم: «حسبة بسيطة، أنا لو قعدت 15 سنة كمان في نفس المكان اللي كنت فيه مش هعرف أجيب شقة أتجوز فيها، وشكرًا».
لماذا محمد الشامي لاعب المصارعه في ترانزيت روما؟.. رسالة مؤثرة تكشف الأسباب (تفاصيل)
سبب هروب محمد الشامي لاعب المصارعه اثناء هبوط طائرته في الترانزيت بـ روما
رسالة صعبة ومؤلمة: محمد الشامي لاعب المصارعه يكشف أسباب هروبه في الترانزيت بـ روما
